تذكرتك وانا الطير الجريح مفارق الخلان ..... ونار البعد تعل اقصى شراييني
وانا ادري بك سراب ما تطفي لهفة الظميان ..... تذكرتك عذاب لو نسيتك منت ناسيني
ابي اعرف في غيابك ليه شوفي يمتلي دخان ..... واحس اني بحالي واقرب اصحابي حواليني
حبيبي رحت عني وانت لا راضي ولا زعلان ..... ياليتك قلت لي قبل الفراق انك مخليني
رحت وغابت الفرحه ورى ليل من الحرمان ..... ورجعت لصوتك اللي كان يملي الكون يدعيني
اثر نار الجفا صلفه دخيلك يا عظيم الشان ..... انا ما عاد لي شوق على الفرقى يقديني
بعد فرقاك عشت الجرح عمر العاشق الشفقان ..... على باب العمر لامرلك طاري يبكيني
تعرف انك بقلبي وانك لشوفتي ولهان ..... حبيبي ليه تقتل حبنا مادمت تغليني
تخفي لوعتك عني وتصد وتبدي النسيان ..... وتفضح نظرتك خافي حنينك لو تراعيني
حبيبي تعبت عيوني السهر من عاشق سهران..... تعبت وطال بعدك والعمر يمديني
غرب ضي الامل قبل الشروق وسادت الاحزان ..... دروب العمر تسرق فرحتي والحزن يطويني
انا مثل الغريق وطاري الذكرى كما الطوفان ..... تزيد الجرح في قلبي وتبعدني وتدنيني
تعبت ومركبي مل السفر وضاقت به الشطأن ..... ولا لي غير حبك ساحل يرسيني
حصدت الدمع محصول الفراق ولوعه الهجران ..... الامني ذكرتك غرق كفوفي مطر عيني
سحابك يا مشاش الملح ما يفرح به عطشان ..... اموت من الظما ولا شربتك منت مجديني
ينابيعك تفجر من عيوني كنها بركان ..... توطي عزتي وتختال من جفني ما يكفيني
بعد ما غرق عمري بالحزن وضاقت بي البلدان ..... وشفت الموت في كل الدروب وقلت انا ويني
انا مليت العذاب وقلبي المليان ........ هم صابني من هجر الحبايب مقتل سنيني
يأست من الفرح في موسم فيه الامل كسلان ..... رقعت الرايه البيضه لحزني وارتمى فيني
وعرفت اني بعد فوات الاوان العاشق الخسران ..... ودريت ان اصدق وعود الهوى ما عادت ترويني
رجعت بحسرتي وكلي جروحن مكسر الجنحان ..... وسال الجرح دم وشفت وجهك في شراييني
الإثنين فبراير 11, 2008 2:46 pm
