اتمني ان يعجبكم اختياري لهذي القصيده الاكــــــــثر من رائعه
فـرقـاك وش يعني؟ اذا طال فرقاك
لا تـحـسـب ان الـعـيـن تبكي وترجيك
لا تحسب ان القلب ما راح ينساك
بنساك وانـسـى ما مضى من لـيـالـيـك
هذاك اول كنت بالحيل اهــواك
والـيـوم ما احـبـك ولا احـب طاريــك
سبعة سنينٍ عشتها حب ويـاك
كـنـت الـوحـيـد اللي من الناس هاويك
كنت اتلعثم كل ما حل طريــاك
انـسـى جـمـيـع الناس واجلس احاكيك
اشكي لطيفك ياحبيبي خطايـاك
واسـمـع بـعـد طـيفـك من الظيم يشكيك
كنت اخلق الحجه على شان لقياك
كـنـت اتـحـايل لـيـن ترضـى والاقيك
كنت اتسامر معك اهنيه وهنـاك
ولا غـبـت عـنـي كنت اصرخ واناديك
اصرخ بعالى الصوت ياهيه ابغاك
واسـمـع صدى صوتك ينادي بالـبـيـك
فديت صوتك لا كلك ابـفــداك
ولا اخـلـصك كـل هـالكـون يـفـديـك
كنت اقصد الزله واعاندك برضاك
عـشـان تـزعـل ثم ارجـع واناديك
لان الزعل يكشغ مزايا محـيـاك
الـزيـن كـلـه بالـزعل كان كاسيك
وانا اتمتع في هوايل مــزايـاك
سـبـحـان ربٍ كـامل الزين معطيك
كنت اعشق التربه اذا تحس ماطاك
كـنت اعـشـقـك واقص جرة خطاويك
كنت اتبع دروبم واسايرك بخطاك
من ويـن ما تـنـظـر طيوفي حواليـك
كنت اتغلا وعن تغليك انـهــاك
ما طـعـتـني وخـلـيـت عنك تغـليك
ناظر غرورك كيف وشـلـون وداك
عـشـان تعرف مـيـزة الـلـي يخاويـك
انا عطيتك وانت تقصر عـطـايـاك
هـذا وانـا الـلـي لـلـثـمـيـنات معطيك
امــدلـك يـمناي وتـمـد يـسـراك
ياكـيـف تـجـحـدنى وانا كـنت شـاريـك
واللحين بتفرغ واسوي ســوايــاك
بالامـس تـجـزيـنـي وانا اليوم بـجـزيك
واللحين دورلك من الناس فـكـــاك
لان الـصـراحـه صــدق نـاويـك نـاويك
ابـجـرحـك جـرحٍ وبـشـح بـدواك
بــعـذبـك الـيـن تـتـعـب واداويــك
عشان ترجع واجـحـرك واتـبـلاك
سـم الـمـذلــه بكاس عشـقي ابسقـيـك
برفعك عالى بالسـمـا فـوق الافــلاك
واخـلـى الـقـمـره مـع الشـمـس بيديك
بـعـطـيـك ثم اقـول لـك هـا كـفـاك
بـعـطيـك لـيـن تـحـس مـحـدن يساويك
بعطيك ثم اجـيـك واسـلـبـك ما جـاك
انـا رفـعـتـك فـــوق واقــدر اوطـيـك
بدخل مع عروقـك وابـسـكن حـنـايـاك
ابـقـتـل الـفـرحـه بـقـلـبـك واعـزيـك
صحيح انا اللي من تسـبـب بـبـلـواك
لاكـن بـزيـدك جـرح لاجـيـت اواسـيــك
شفت القـهـر وشـلـون لاخـاب رجـواك
بـقـمـة احـزانـك حـبـيـبـك شـمـت فيك
شـفـت الـقـهـر وشـلـون لاعشت ذكراك
وحــدك ولا ويــاك احـــدٍ يــسـلـيـك
ادري بـتجـيـني كــارهٍ لـيـل دنـيــاك
تـدور احـدٍ فـي هـمـومـك يـراعـيـك
من الـنـدم ادري تـبـي تـعـض بشـفـاك
تـلـعـن بـعـد حـظـك على ايام ماضيـك
تـسـهر طـوال الـلـيـل وتـنـوح بـبـكاك
تـصرخ وتـبـكي لـيـن هـالدمـع يـعـمـيـك
تـقـول:انـا اسـف,,,,, وانـا اقـول:ويــلاك
تـقـول:سـامـحـنـي وانـا اقـول:مـابـيـك
تـقـول:ارحـمـنـي ويـرحـمـك مــــولاك
الـعـفـو عـنـد الـمـقـدره مـن مواريــك
تـقـول: ارجـع يـم بـيـتـك ومـربــــاك
الـقـلـب بـيـتـك والـمـشـاعر تـنـاديـك
تــقــول:ارجـعـلـى ومـقـدر بـلـيـــاك
وشـلـون ابـرجـع دام قـلـبـي مـجـافيـك
جـحـدة شـخـصٍ بـيـن هـالـنــاس بــداك
يـاجـاحـد حـقـوقـي انـا شـلـون باجـيـك
والـلــحـيـن فـارقـنـي عـسـى الـلـه يرعاك
يـنـور دروبـك ويـثـيـت مـمـاشـيـك
وادعـي مـن الـلـه ياعسـى يـطـول فـرقــاك
مـلـيـت انـا مـنـك ومـابـيـك مـابـيـك
الخميس فبراير 28, 2008 3:26 am
